• नागरिकांची बेपर्वा वृत्ती प्रशासनाच्या प्रयत्नांना मारक.
विषय हार्ड न्युज,पुणे (नऱ्हे ,मानाजी नगर परिसर):
वाहतूक कोंडीवर नियंत्रण मिळवण्यासाठी शासनाने उचललेले पाऊल नागरिकच हाणून पाडत असल्याची धक्कादायक बाब नऱ्हे परिसरात उघडकीस आली आहे. ग्रीन लॅन्ड काउंटी सोसायटी समोरील टेस्टी वडापाव सेंटरजवळ लोखंडी व सिमेंटचे खांब लावले होते. परंतु काही स्थानिकांनी ते मोडून टाकले. प्रशासनाने नंतर सिमेंटचे खांब बसवले, तरीही त्याचाही फज्जा उडवण्यात आला.
* या खांब लावण्याचा उद्देश फक्त दोनचाकी वाहने मोकळेपणाने जावीत व चारचाकींमुळे होणारी वाहतूक कोंडी टाळावी हा होता.
*नवले हॉस्पिटल ते नऱ्हे रोड या मार्गावरून दररोज होणाऱ्या चारचाकी गर्दीमुळे तब्बल ४० मिनिटांचा प्रवास विलंब नागरिकांना सहन करावा लागत आहे.
*तरीसुद्धा परिसरातील काहीजण थोड्या स्वतःच्या सोयीसाठी शासकीय मालमत्तेची नासधूस करून सार्वजनिक समस्या वाढवत आहेत.
नागरिकांमध्ये तीव्र संताप.
“शासनाचा उपक्रम हा वाहतूक सुलभतेसाठी, जनतेच्या हितासाठी आहे. परंतु काही बेजबाबदार लोकांच्या कृतीमुळे समस्या अधिक गंभीर बनत आहे.
सार्वजनिक हितासाठी केलेल्या उपाययोजनांना साथ देणे ही आपली नागरिक म्हणून जबाबदारी आहे. उलट त्यालाच धक्का लावला तर प्रशासन काहीच करणार कसे?” – अशा शब्दांत काही नागरिकांनी रोष व्यक्त केला.
नागरिकांसाठी धडा
• शासकीय मालमत्ता तोडणे म्हणजे स्वतःच्या पायावर धोंडा मारणे होय.
• वाहतूक कोंडी, अपघात व वेळेचा अपव्यय याला नागरिक स्वतःच जबाबदार ठरत आहेत.
• जनजागृती करणे, प्रशासनाला सहकार्य करणे, जबाबदार नागरिक म्हणून वागणे हे आता काळाची गरज आहे.
.भूपेंद मोरे यांनी यासाठी पाठपुरावा करून प्रशासनाच्या मदतीने नागरिकांच्या समस्या सोडवण्यासाठी खांब बसविण्यास सांगीतले होते.
“प्रशासनाने उचललेल्या स्तुत्य पावलाला तोडफोड करून हाणून पाडणे हे संतापजनक असून, यातून प्रत्येकाने धडा घ्यायला हवा. समस्या वाढवण्याऐवजी सोडवण्यात नागरिकांची साथ महत्त्वाची आहे.”
