विषय हार्ड न्युज,कापूरहोळ (ता.भोर) दि. २३ जून –हरिचंद्री गावातील गेस्टोन बिल्डिंग परिसरात एका बंद घराचे कुलूप तोडून अज्ञात चोरट्यांनी सुमारे ४ लाख ६० हजार रुपयांचे सोन्या-चांदीचे दागिने चोरून नेल्याची घटना घडली आहे. याप्रकरणी राजगड पोलीस ठाण्यात गुन्हा दाखल करण्यात आला आहे.
फिर्यादी अमोल रामराव कदम (वय ३२) यांनी दिलेल्या माहितीनुसार, दि. २२ जून रोजी दुपारी ३ ते सायं. ४.३० वाजण्याच्या दरम्यान, ते त्यांच्या घरी नसताना चोरट्यांनी घराचे कुलूप तोडून कपाटातील मौल्यवान दागिने लंपास केले.
चोरी गेलेल्या दागिन्यांमध्ये:
• सोन्याचे गंठण, कडे, अंगठ्या, लॉकेट-चेन, बाळ्या – ₹४,५६,०००/-
• चांदीचा कमरदोरा व पायातील चैन – ₹४,८००/-
• एकूण अंदाजित मालमत्ता – ₹४,६०,८००/-
या प्रकरणी गु.र.नं. २४७/२०२५, भादंवि कलम ३०५ व ३३१(३) अंतर्गत अज्ञात चोरट्यांविरुद्ध गुन्हा नोंदवण्यात आला आहे.
घटनेमुळे परिसरात भीतीचे वातावरण निर्माण झाले असून, पोलीस निरीक्षक राजेश गवळी यांच्या मार्गदर्शनाखाली पुढील तपास सुरू आहे.
