- Advertisement -
विषय हार्ड न्युज, पुणे:-उन्हाळी सुट्ट्यांमध्ये वाढलेल्या प्रवासी गर्दीच्या पार्श्वभूमीवर, पुणे विभाग, मध्य रेल्वेने विभागीय रेल्वे व्यवस्थापक श्री. राजेश कुमार वर्मा यांच्या मार्गदर्शनाखाली पुणे रेल्वे स्थानकावर प्लॅटफॉर्म क्रमांक 1 च्या व्हीआयपी साइडिंगजवळ विशेष होल्डिंग एरिया उभारला आहे. या उपक्रमाचा उद्देश प्रवाशांची हालचाल सुरळीत करणे, अनावश्यक गर्दी टाळणे आणि सर्वसामान्य प्रवाशांसाठी सुरक्षित व सोयीस्कर प्रवास अनुभव सुनिश्चित करणे हा आहे.
होल्डिंग एरियामध्ये उपलब्ध सुविधा:
- पुरेशी प्रकाश व्यवस्था आणि पंख्यांची सुविधा
- पुरुष व महिलांसाठी स्वतंत्र पोर्टेबल शौचालये
- डिजिटल डिस्प्ले बोर्डद्वारे माहिती सेवा
- मदत कक्ष व तातडीच्या मदतीसाठी कर्मचारी
गर्दी व्यवस्थापनासाठी विशेष बंदोबस्त:
- २५ आरपीएफ कर्मचारी व १५ तिकीट तपासणी कर्मचारी तैनात
- १ वाणिज्य निरीक्षक/पर्यवेक्षक आणि १ अधिकारी नियमित निरीक्षणासाठी
- तिकिट तपासणी होल्डिंग एरियामध्येच
- नियोजित रांगेतून आणि टप्प्याटप्प्याने प्लॅटफॉर्मवर प्रवेश
उन्हाळी विशेष गाड्यांसाठी सर्वसाधारण श्रेणीतील तिकिट विक्रीही गर्दीच्या स्थितीनुसार नियंत्रित केली जात आहे.
पुणे विभाग, मध्य रेल्वे, प्रवाशांच्या सुरक्षितता व सोयीसाठी कटिबद्ध असून, भविष्यातही असेच उपाययोजना प्रभावीपणे राबवत राहील.
