UPSC परीक्षेत देशात २६ वा क्रमांक मिळवलेल्या शिवांश जागडेचा काँग्रेसतर्फे गौरव

विषय हार्ड न्युज, पुणे:वडगाव बुद्रुक येथील शिवांश सुभाष जागडे याने केंद्रीय लोकसेवा आयोग (UPSC) मार्फत घेण्यात आलेल्या नागरी सेवा परीक्षेत देशात २६ वा क्रमांक पटकावून मोठे यश मिळवले आहे. या उल्लेखनीय यशाबद्दल त्याचा सत्कार खडकवासला काँग्रेस कमिटीतर्फे करण्यात आला.

महाराष्ट्र प्रदेश काँग्रेस कमिटीचे सरचिटणीस श्रीरंग नाना चव्हाण यांच्या हस्ते शिवांशचा सन्मान करण्यात आला. “मावळ भागातील सर्वसामान्य कुटुंबातील शिवांशने वयाच्या अवघ्या २१ व्या वर्षी कलेक्टर अधिकारी बनून राज्याचे नाव उज्ज्वल केले आहे. हा क्षण महाराष्ट्रासाठी अभिमानाचा आहे,” असे गौरवोद्गार चव्हाण पाटील यांनी या वेळी काढले.

या कार्यक्रमाला न-हे गावचे सामाजिक कार्यकर्ते प्रदीप खेडेकर, पुणे शहर काँग्रेस पर्यावरण विभागाचे उपाध्यक्ष धनंजय पाटील, हवेली तालुका किसान काँग्रेस अध्यक्ष शंकरराव दांगट, अनिकेत देशमुख, धनंजय पवार, अंबादास बिरादार, शुभम निकम आदी मान्यवर उपस्थित होते.